NRK har vurdert kultursatsinga i alle landets kommunar, og Askvoll får stryk. Vi løyver svært lite kroner til kultursektoren, folkebiblioteket og aktivitetstilbod for barn og unge. Samtidig har vi relativt mange barn på venteliste til kulturskulen. Sjå meir om undersøkinga her:

http://www.nrk.no/nyheter/distrikt/nrk_sogn_og_fjordane/1.7785418

Då fristen for å søkje om barnehageplass var ute i vår, skjedde det to gledelege ting i Askvoll. For det første var det fleire søkjarar enn barnehagane hadde budsjettert med. For det andre sa politikarane at oppvekstsektoren skulle få tilført midlar, slik at alle som søkte fekk tilbod om plass. Rett nok fekk ikkje alle så stor plass som dei ynskte, men likevel: Vi har svært god barnehagedekning i Askvoll kommune, og Utdanningsforbundet er sjølvsagt godt fornøgde med at politikarane tok ansvar og sytte for det.

Men så var det dekninga av førskulelærarar i kommunen… Situasjonen er at vi manglar minst tre førskulelærarar dette barnehageåret. Stillingane var utlyste fleire gonger, men likevel fekk vi ikkje kvalifiserte søkjarar, og det må no startast eit arbeid med å søkje dispensasjon frå barnehagelova fordi vi manglar pedagogar. På same tid veit vi at det bur mange førskulelærarar i kommunen, som ikkje arbeider i barnehagen.

Her er stilt spørsmål om kva parti som vil eller ikkje vil ha eigedomsskatt?

Dei fleste politikarane i Askvoll seier at dei ynskjer kompetanseheving i skule og barnehage, og det er sjølvsagt vi i Utdanningsforbundet glade for. Særleg vil vi framheve Venstre, som på paneldebatten 31.08. sa at dei vil ha ein plan for vidareutdanning av lærarar. Dei fekk tilbod om hjelp frå oss til å lage denne planen, og her er vårt framlegg:

Ta utgangspunkt i kommunen si kompetansekartlegging som var gjennomført våren 2009, og som gir eit samla oversyn over kompetansen til både lærarane og dei andre tilsette i kommunen. Gå så til utviklingsplanane som kvar skule har, og finn ut kva fag og fagområde som er prioriterte der. Då burde det vere greitt å avgjere kva fag kommunen har trong for meir kompetanse i, og lage ein tidsplan for å skaffe denne.

Regjeringa si målsetjing for kulturskuletilbodet er eit ”kulturskuletilbod av god kvalitet til ein rimeleg pris, for alle barn som ønskjer det”. Opplæringslova slær fast at ”alle kommunar skal, åleine eller i samarbeid med andre kommunar, ha eit kulturskuletilbod til barn og unge, organisert i tilknyting til skuleverket og kulturlivet elles”. Det er vidare etablert ei felles forståing for utviklinga av kulturskulane som lokale ressurssenter, og at det er eit lokalt ansvar å legge til rette for gjennomføringa av dei overordna føringane.

Dei politiske partia inviterer til den tradisjonelle paneldebatten i Askvoll samfunnshus onsdag 31. august kl. 18.00. Politikarar både frå fylkes- og kommunepartia vil vere til stades, og det blir ope for spørsmål frå publikum.

Kva meiner partia om dagens skulestruktur i Askvoll?

Raudt Sogn og Fjordane vil at Fjord1 skal vere styrt av interessene til brukarane, lokalsamfunna og arbeidstakarane. Difor går vi mot at det private Mørefirmaet Havila skal få kjøpe deler av selskapet. Ei slik privatisering vil gje snevre bedriftsøkonomiske vurderingar sterkare plass i selskapet. Eller som Negotia-tillitsvalt i Fjord1, Daniel Nedrelid, seier i avisa Firda 18. aug.: ”Havila gjer ikkje dette for å vere snille. Dei er på jakt etter å tene pengar.”

Det vil vere ein politisk tragedie dersom dei raudgrøne på fylkesutvalsmøtet i morgon og fylkestinget 25. aug. bryt med det mange har oppfatta som eit varemerke; styrke den offentlege eigarskapen for å styrke folkestyret. Dersom Raudt hadde vore på fylkestinget, ville vi ha teke til motmæle mot dette knefallet for private profittinteresser.

Samfunnsdemokratane vil kjøpe tilbake fylkesbåtane, og få flagget til topps igjen!

Kreftene og arbeidsstyrken vår må nyttast til verdiskaping og gode tenester i Sogn og Fjordane.

I ein reportasje i TV2 søndag 10. juli, vert Noreg hengt ut som miljøsinke av FN fordi norske fjordar vert fylt opp med giftig gruveavfall. Dei store gruvenasjonane seier nei til slik dumping av avfall i sjøen.

Raudt er samd med Mads Løkeland, gruveansvarleg i Naturvernforbundet, at det må stillast strenge miljøkrav til gruveindustrien, og det er viktig at Noreg går føre og set gode miljøstandarder.

På spørsmål om kven som vil innføre eigedomsskatt kan eg som listetopp for Askvoll SV bekrefte at det vil vi. Ikkje fordi SV-arar er spesielt glade i skattar (som nokon sikkert trur), men fordi det er heilt nødvendig for Askvoll kommune sin økonomi. Holete kommunale vegar, tilnærma null kroner til kultur, skulebygg som tregg opprusting…you name it! Eigedomsskatt kan ikkje løyse alt, men det er ein begynnelse. Vi trur folk sin privatøkonomi er god nok til at ein kan bere dette. Og det er jo betre økonomi også for privatpersonar i å asfaltere vegnettet enn at ein må reparere bilane sine.

Hadde jo vært kjekt om politikarane i Askvoll engasjerte seg litt i sonen her og.. Så langt berre to spørsmål, og ingen svar eller kommentarer, til tross for at her er 25 medlemmer pr. dags dato…

Lurer også som Arild på kven som vil prioritere fv609. I tillegg lurer eg på kven som vil innføre eigedomskatt og ikkje i kommunen, og kven som vil verne om småbygdene, og ikkje rasere dei tilboda som er der. (Skule, barnehage, etc.)

Kven tek ansvar og sørger for at denne vegstubben frå Askvoll til Førde vert trygg å kjøyre på?

Sjå berre HER og HER